முட்டை குழம்பு (muttai kuzhambu)

தேவையானவை:
முட்டை - 2
வெங்காயம் - 1 பெரியது
தக்காளி - 1
சோம்பு - 1 டீஸ்பூன்
கசகசா - 1 டீஸ்பூன்
மிளகாய் தூள் - 1 டீஸ்பூன்
தனியா தூள் - 2 டீஸ்பூன்
மஞ்சள் தூள் - 1/4 டீஸ்பூன்
உப்பு - தேவைக்கு

தாளிக்க:
எண்ணெய் - 2 டீஸ்பூன்
சீரகம் - 1 டீஸ்பூன்
கறிவேப்பிலை - சிறிது

செய்முறை:

• வெங்காயம் மற்றும் தக்காளியை சிறியதாக கட் செய்து கொள்ளவும்.
• மிக்ஸி ஜாரில் நறுக்கிய வெங்காயம், சோம்பு மற்றும் கசகசா சேர்த்து நைசாக அரைக்கவும்.
• ஒரு கடாயில் எண்ணெய் ஊற்றி தாளித்து அரைத்து வைத்த வெங்காய கலவையை நன்றாக வதக்கிய பின் நறுக்கிய தக்காளி சேர்த்து வதக்கவும்.
• அதனுடன் மசாலா தூள் வகைகள் மற்றும் உப்பு மற்றும் தண்ணீர் சேர்த்து மசாலா வாசனை போகும் வரை கொதிக்க விடவும்.
• குழம்பு நன்கு கொதி வந்து வாசம் வந்தவுடன் முட்டையை உடைத்து ஊற்றவும். இப்போது கிளற வேண்டாம்.
• மூன்று நிமிடங்கள் கழித்து முட்டையை திருப்பி போட்டு வேக விடவும்.
• முட்டை சிறிது நேரத்தில் வெந்த பின்பு பரிமாறலாம்.
• சுவையான, எளிமையான முட்டை குழம்பு தயார்.
• இது சப்பாத்தி, பூரி மற்றும் சாதம் ஆகியவற்றுக்கு அருமையாக இருக்கும்.

குறிப்பு:

• முட்டையை உடைத்து ஊற்றிய பின்பு கிளற கூடாது. முட்டை ஒரு சைடு வெந்த பின்பு திருப்பி மட்டும் விட்டாலே போதும்.
• இது போல் சோம்பு, கசகசா சேர்த்து அரைத்து செய்யும் போது குழம்பு மிகவும் நன்றாக இருக்கும்.